Horra Horra Gure Olentzero...!!!!!!!!!

Olentzero Euskal Herrian Eguberria iragartzen duen pertsonaia da, Eguberriaren bi zentzuetan: neguko solstizioa, betidanik; eta Jesusen etorrera, kristautasuna ezarri zenez geroztik. Tradizio batzuetan, bizirik iraun duen azken jentila da, basajaun eta basandererekin batera.

Kristautasunaren aurreko pertsonaia dela dirudi, ziurrenik jentil bat. "Onentzaro", "Onontzaro" (Larraunen) edo "Orentzaro" (Leitza eta Berrueta aldean) izena ere hartzen du. Izenaren eta jatorriaren berri ematen duen teoria ugari dago; Lope Martinez de Isastik, XVII. mendeko aipu batean, onen-(tz)aro, hau da, «gauza onen garaia» esan nahi duela dio; eta, XX. mendean, Azkuek ere uste bera du.

Beste hipotesia, "eskean ibiltzeko garaia" da: "Oles egitea", agur egitea alegia, gabonetako eta Santa Ageda bezperako kopla zaharretan maiz agertzen den esapidea da (Zorion etxe honetako denoi/ oles egitera gatoz/ aterik ate ohitura zaharra/ aurten berritzeko asmoz); hortik oles-aroa, hau da, etxez etxe kantuan janari eta diru eskean ibiltzeko garaia, gero merendu edo afari legea egiteko.

Julio Caro Baroja etnologoaren iritziz berriz, izena, eta batik bat hitz hasierako "O" hotsa, gabonetan kantatzen ziren elizako kantuekin lotua dago, maiz letra honekin hasten baitziren.

Azkenik, beste autore batzuen iritziz, "Olen" frantsesezko "noël" hitzaren metatesi batetik letorke, bainan forma lehena "Onen" da, ez "Olen".

EUSKARAREN EGUNA

GAUR EUSKARAREN EGUNA DA!!!

Jakinekoa denez, hainbat eta hainbat dira euskararen omenetan egiten diren ekitaldi eta jardunak. Horietako bat, guztietatik nabarmenena, Euskararen Nazioarteko Eguna da, urtero-urtero, abenduaren 3an, Xabierko Frantzisko deunaren egunez ospatzen dena.

Gaur Bilbon arrera bat egongo da Udaletxean, saribanaketa arratzaldean eta publizitatea emanez txirrindurali batzuk ikus ditzakegu, Udalaren partez behintzat, gauza gehiagorik ez.

Donostian, ostera, arratsaldean Boulevardean jarriko den karpan euskarazko kultur ekintzak eta talde euskaldunen kontzertuak antolatuko dira arratsaldeko 18:30etatik aurrera.

 

20:00etan, Antzoki Zaharrean, oso gutxitan ikus daitekeen saioa egongo da: bi bertsolarik, Kubako bi repentistek eta Uruguaiko bi payadorek inprobisazio saioa eskainiko dute. Eta bukatzeko, Gaztezulo bideo lehiaketako sari-banaketa eta festa izango da gaueko 22:00etatik aurrera Doka kafe antzokian.

Beste aldetik, Gazteizen kontzertu interesgarri batzuk egongo dira.

Gure partez, Agintzariren partez, euskara erabiltzeko animatzen zaituztegu!!!! Ondo izan!!!!



Zure izena edo abizena euskarazko grafiaz jarri gura duzu, gaur egun oso erraz-erraza da. Hona hemen  argibideak.

Zer behar duzu izena euskaratzeko?

Tramitea Udaletxean dagoen Bake Epaitegietan egin behar da eta honako agiri hauek erman behar dira: nortasun agiria, familia liburua eta errolda agiria. Azken hau udaletxean eskatu behar da.

18 urte baino gutxiago badituzu, zure gurasoek egin beharko dute eskabidea, familia liburua aurkeztuz. Euskal grafiaz idazteaz aparte, zure izena aldatu nahi baduzu ere, horretarako aukera dago. Hala ere, dokumentu gehiago behar dira hau burutzeko.

Euskal grafismoraz bueltatu, sustatzaileek argi utzi dutenez, garrantzitsua da epaitegira joan aurretik norbere abizena euskaraz nola idazten den jakitea. Zure abizena euskeratzerakoan Euskaltzaindiaren arauak jarraitu behar dituzu. Akademietan jartzen diren arauak bete behar dira.

Zer behar dugu abizena euskaratzeko?

Gure abizena euskaratzeko bi baliabide nagusi daude, Esukaltzaindiaren web gunea edo Euskara zerbitzuak. Web gunean oso argi dago. www.euskaltzaindia.net/eoda/ helbide honetan sartuz gero, zure abizena idatzi eta euskaratu egiten dizu automatikoki. Izenekin ere funtzionatzen du. Euskarazko izenak erdaraz ikusteko aukera eskaintzen dizu baita ere.

 Aldaketa hau egiteko prest daudenak, kontuan izan behar duzue azken puntu garrantzitsu bat. Epaitegian egindako aldaketak balio izateko, hiru hilabete dituzu NAN aldatzeko, bestela dokumentazio horrek balioa galtzen du eta berriro ere hutsetik hasi behar da.

Erraz-erraza da, 

TEKNOLOGIA BERRIAK: SAREKO EUSKARAZKO BILATZAILEAK

Interneten nabigatzean, zerbaiten inguruko informazioa bilatu nahi denean, betiko bilatzaile erraldoietara jotzen da normalean, hau da, Google, Yahoo eta MSN Live bilatzaileetara. Informazioa ingelesez edo gazteleraz lortu nahi bada bilatzaile horiek emaitza onak ematen dituzte, baina zer gertatzen da lortu nahi diren webguneak euskarazkoak badira? «Energia » hitza bilatuz gero, zenbatgarren azaltzen da lehenengo euskarazko webgunea?

Horretarako daude euskarazko bilatzaileak. Aspaldi honetan euskara indarra hartzen ari da interneten eta euskaraz lan egin nahi izanez gero gero eta beharrezkoagoak dira euskarazko bilatzaileak. Izan ere, euskarazko bilatzaileak, Google web gunearen antzera, bilaketak egiteko web guneak dira, baina euskal gaietan bakarrik aritzen dira. Bilatzen ari den informazioarekin zerikusirik duenik bilatzailearen datu-basean ba ote dagoen ikusteko balio du. Bilaketaren emaitzak beste web guneetara estekak eskaintzen ditu.

Hona hemen euskarazko bilatzaile garrantzitsuenak:

Kaixo!

Helbidea: www.kaixo.com

Kaixo! bilatzaile elebidunak aurten hamairu urte bete ditu sarean (Googlek gutxiago ditu), Euskal Herriko webguneen lehenengo bilatzaile propioa izan zela esan daiteke. Hor, euskarazko eta gaztelerazko edukia duten web orriak agertzen dira, eta, euskarazko bilaketak egiterako orduan, ez du teknologia berezirik erabiltzen.

Jalgi

Helbidea: www.jalgi.com

Jalgi bilatzailea EHUko Informatika fakultateko proiektu baten fruitua izan zen eta euskararen tratamendurako teknologiak aplikatzen zituen lehen bilatzailea izan zen. Jalgi, bere jarduerak lehenagotik hasi bazituen ere, 2000 urtean hasi zen bilaketak eskaintzen. Gaur egun ere martxan da webgunea; ohiko bilaketez gainera, entziklopedietan eta mapetan egitekoak ere eskaintzen ditu.

Aurki

Helbidea:www.aurki.com

Aurki proiektua Eibar.org elkarteak jarri zuen martxan 1999an; euskarazko webguneak soilik bilatuko zituen bilatzailerik ez zegoela eta, web gune horiez osatutako direktorio gisa hasi zen. Dmoz nazioarteko proiektuaren babesean eman zituen bere lehenengo urteak, baina proiektua indarra galduz joan zen eta 2005 hasieran RSS jarioen bilgune bihurtu zen. Han, euskarazko hedabideak, blogak, agendak eta RSS jarioa eskaintzen duten webguneak biltzen dira oro har

Elebila

Helbidea: www.elebila.eu

Elebila euskarazko lehen Internet bilatzailea da. Interneteko bilatzaile ezagunenen funtzioak eskaintzen ditu baina kalitatezko euskarazko emaitzak lortzeko bermearekin. Euskarazko bilaketak egiteko orduan bi arazo nagusi daude: alde batetik euskarak Interneten duen garrantzia erlatibo txikia eta bestetik atzizkien erabilera zabala. Euskarak sarean duen pisua txikia dela-eta, “anorexia” edo “energia” bezalako hitz teknikoak bilatuz gero euskaraz idatzitako dokumentuak inoiz ez dira lehen emaitzen artean agertzen, hitz horiek beste hizkuntza batzuetan ere existitzen direlako. Eta berdin gertatzen da “Newton” edo “Egipto” bezalako izen bereziekin, eta “katu” edo “esne” bezalako hitz laburrekin ere. Elebilak arazo hau konpontzen du.

Bestalde, euskarak oso deklinabide aberatsa duenez, bilatzaile arruntek ematen dituzten emaitzak inoiz ez dira osoak: “energia” bilatzen badugu hitz zehatz hori duten dokumentuak agertzen dira soilik, eta “energiaren kontsumoa handitu da” moduko esaldiak ez dira emaitzan agertzen. Elebila arazo honi aurre egiteko prestatuta dago. Gainera, direktorio-teknologia erabiltzen duten bilatzaileek bertan gordeta dauden webguneetan bakarrik egiten dituzte bilaketak, hau da, webgune berri bat euskaraz ateratzen denean norbaitek erregistratu egin behar du orri emaitzetan ager dadin. Elebilan, aldiz, ez da horrelakorik egin behar; bilaketarako bilatzaile handien datu baseak erabiltzen direnez, web orri berriak emaitzetan agertzeko, ez da norbaitek horiek erregistratu arte zain egon behar, lan hori bilatzaile handiek egiten dute. Horrela, Elebilan bilatzen den informazioa inork susma ez dezakeen webgune batean baldin badago, emaitzan azaldu egingo da.

Beraz, lanak euskaraz egin behar dituztenok, euskararen presentzia Interneten aztertu duzuenok, Internet euskaraz erabili nahi duzenok…. Erabili euskarazko bilatzaileak!

Dakizuen bezala Azaroaren  25an Genero indarkeriaren kontrako egun internazionala ospatzen da, hau dela eta,  hainbat jardunaldi aurkituko ditugu

Genero indarkeriak diskriminazioa, desberdintasun egoera eta gizonek emakumeen gain duten botere harremana agerian uzten ditu eta indarkeria hau bikote direnek edo izan direnek edo elkarrekin bizi ez arren emakumeei afektibitatearen antzeko harremanez lotuta egon direnek emakumeengan gauzatzen dute.

Gaurkoan Deustua-San Inazioko Modulu Psikosozialeko emakume zerbitzuak, antolatu duen jardunaldiaren  berri ematen dizuegu:

"Genero sistema eta sexismoaren eragina gizon zein emakumeengan"

Azaroaren 29 eta 30an, Bilboko Irakasleen Unisbertsitate Eskolako Areto Nagusian antolatuko da.

Blog honen bitartez parte hartzera animatzen zaituztegu!!

EA ASMATZEN DUZUN BIHARKO EGURALDIA

Hona hemen gaurko eguraldia

Goiz-lanbroa eta lainoguneak izango ditugu zokoetan eta hodei hondar batzuk ere bai zeruan goiz partean. Baina gainerako orduetan giro eguzkitsua; zerua nahiko urdin ikusiko da, gainera. Tenperaturari dagokionez, gorabehera handirik ez, eguneko maximoak 20 eta 22 ºC artean kokatuko dira.

·                           Tenperaturak

·                           Bilbao: 14 - 22 ºC

·                           Donostia: 13 - 20 ºC

·                           Gasteiz: 8 - 21 ºC

·                           Iruña: 10 - 21 ºC

·                           Baiona: 11 - 19 ºC

·                           Donibane Garazi: 13 - 21 ºC

Baina zer gertatuko da bihar eta etsi?

Azken bolada honetan oso eguraldi ona eduki dugu lan egunetan baina asteburua heltzen denean eguraldia okertu da.

Etxeko igogailuan hizpide nagusia, harategian bere txandaren zain
dagoen jendearen artean ere bai. Egunean zehar zenbat hitz egiten den
eguraldiari buruz ez dago kalkulatzerik. Ohikoena, iragarpenak
albistegiaren ondoren ikustea izaten da, baina Interneten ere badira
horretarako baliabideak. Gainera, askotan, informazio sakonagoa ematen dute.

Ea asmatzera ausartzen zaren zelako eguraldia egingo duen bihar.......

Gaur, 2010eko urriaren 27an, Agintzariko Euskara Batzordea, gurekin elkarlanean ari den Emun Kooperatibako teknikariarekinn bildu da.

Dakizuenez, helburua, Agintzarin dagoen euskararen egoera azteartzea da. Horretarako, azken hilabete hauetan pasatutako inkesten emaitzak bildu dira.

Hona hemen atera diren datu batzuk:

Gaur egungo euskararen ulermen maila nahiko altua da, %90eko, gutxi gora behera. Hitz egiterakoan, zein irakurtzekoan, zein idazterakoan euskararen ezagutza eta erabilera ez da hain altua.

Kontuan izatekoa da %86’61ak, nozbait euskara ikasi duela, baina gaur egun bakarrik %14’17a ikasten ari da.

Hau, gure lanaren sarrera bat baino ez da izan, hemendik aurrera Agintzariko Euskara Planari buruzko informazio gehiago jasotzeko aukera izango duzue.

Hoy 27 de octubre de 2010 la Comisión de Euskara se ha reunido junto con Emun Cooperativa Elkartea.

Como sabéis el objetivo es analizar el estado del euskara en Agintzari. Para ello se han recogido los resultados de las encuestas realizadas en estos últimos meses.

Aquí tenemos algunos datos:

Hoy por hoy el nivel de comprensión del euskara es bastante alto, de un 90% más o menos. Tanto en la expresión oral, como en la escrita, como en la comprensión lectora, el nivel de conocimiento y utilización del euskara no es tan alto.

Hay que tener en cuenta que el 86,61% ha estudiado euskara alguna vez aunque, en la actualidad, sólo lo está haciendo un 14, 17%.

Esto sólo es una muestra del trabajo que se está realizando, en adelante tendremos la oportunidad de recibir más información sobre el Plan de Euskara de Agintzari.

NAFARROA OINEZ

Nafarroa Oinez Nafarroako Ikastolen jaia da. Urtero Nafarroako ikastola ezberdin batek hartzen du bere gain jai honen antolakuntza eta 80.0000-100.000 pertsonen artean biltzen ditu. Egun horretarako, zazpi bat kilometroko ibilbidea prestatzen da, eta bertan gune desberdinak kokatzen dira, adin eta gustu guztietarako, gorputz eta gogo behar guztiak asebetetzeko.

Badakizue lehenengo Nafarroa Oinez 1981 urtean izan zela?! Ba bai, gainera, Euskal Herriko beste lurraldeetara ere zabaldu zen, bakoitzean izen eta nortasun propioa hartuz: Bizkaian, Ibilaldia; Gipuzkoan, Kilometroak, Araban, Araban euskaraz, eta Iparraldean, Herri Urrats.

Aurten Paz de Ziganda ikasolan izan da eta haien aurreikuspenak bete egin dira Atarrabiako Nafarroa Oinezean.

Zure Zain geunden

Ongi etorri Agintzariko Euskara Planaren blog berrira. Jakingo duzuen bezala Agintzarin Euskara Plan bat jarri dugu martxan duela gutxi, besteak beste, Agintzariko euskararen egoera zein den ezagutu eta egin dezakeguna zer den ezagutu eta planifikatzeko helburuarekin.

Ilusio handiz ekin diogu bide berri honi baina bidea kolore desberdinez margotzeko zu bezalako bidelagunak behar ditugu. Zuk ere gurekin konpartitu, ezagutu, ikusi, ikasi, sentitu, hitz egin… nahi baduzu hau da zure txokoa!

Blog hau Agintzariko Euskara Batzordeak kudeatuko du, batzorde horretan Agintzariko sei langilek eta euskara teknikariak parte hartzen dugu: Carmen Alonso, Marta Gomez, Josune Polancos, Oihane Cabello, Oihana Eizagirre,Ainhoa Solozabal eta Maite Berriozabal.

Euskararen inguruko zuen proposamenak, gogoak, iradokizunak… jasotzeko eta lantzeko gaude. Beraz, euskararen inguruko edozein gai landu gura baduzue gutako edozeinengana jo dezakezue.

Pausu txikiak emanez, urratsez-urrats bihur dezagun blog hau guztion elkargune!

Ongi etorri Agintzariko euskararen mundura!